ಪೋಲಿ ಮನೆ

ಸಿಕ್ಕಿತು ಜಿ ಸ್ಪಾಟ್!

2008-03-17T14:29:00.000-07:00

ಎಲ್ಲಿ ಇರುತ್ತದೆ?
ಮಹಿಳೆಯರ ದೇಹದಲ್ಲಿ.
-ಇಷ್ಟು ದಿನ ಎಲ್ಲಿತ್ತು?
ಅಲ್ಲೇ ಇತ್ತು. ಆದರೆ ಇದೆಯೋ ಇಲ್ಲವೋ ಎಂಬುದರ ಬಗ್ಗೆ ಅನುಮಾನವಿತ್ತು.
-ಯಾರಿಗೆ ಸಿಕ್ಕಿತು?
ಅದನ್ನು ಹುಡುಕುತ್ತಿದ್ದ ವಿಜ್ಞಾನಿಗಳಿಗೆ.
-ಏನು ಪ್ರಯೋಜನ?
ಇದನ್ನು ಹೊಂದಿರುವ ಮಹಿಳೆಯರು ಮಾತ್ರ ಅತ್ಯುನ್ನತ ಲೈಂಗಿಕ ಸುಖ ಅನುಭವಿಸುತ್ತಾರೆ.
-ಎಲ್ಲರಲ್ಲೂ ಇರುತ್ತದೆಯಾ?
ಅದೃಷ್ಟಶಾಲಿಗಳಲ್ಲಿ ಮಾತ್ರ!
-ಅದು ಹೇಗಿರುತ್ತೆ?
ಚಂದ್ರನಾಡಿಗಿಂತ ಸಣ್ಣದಾಗಿ, ಜಿಆಕಾರದಲ್ಲಿ .
-ಸರಿಯಾಗಿ ಎಲ್ಲಿರುತ್ತದೆ?

ಇದು ಅತಿಯಾಯಿತು. ಇಲ್ಲಿ ಬರೆದು ತೋರಿಸೋಕೆ ಅದೇನು ಗುಬ್ಬಿ ಮರೀನಾ? ಬೇಕಾದರೆ ಚಿತ್ರದಲ್ಲಿ ಹುಡುಕಿ.

ಚರ್ಚ್‌ನ ‘ಕಾಮ-ಸೂತ್ರ’ ಬೋಧೆ!

2008-03-13T12:46:00.001-07:00

ರತಿಕ್ರೀಡೆ ಒಂದು ಪವಿತ್ರ ಕಾರ್ಯ. ದಂಪತಿಗಳು ಸೆಕ್ಸ್ ಬಗ್ಗೆ ಮುಕ್ತವಾಗಿ ಮಾತಾಡಬೇಕು. ಸೆಕ್ಸ್‌ನಲ್ಲಿ ಪರಸ್ಪರ ಏನು ಬೇಕು, ಏನು ಬೇಡ ಎನ್ನುವುದರ ಬಗ್ಗೆ ಪತಿ-ಪತ್ನಿ ಚರ್ಚಿಸಬೇಕು- ಇದು ಯಾವುದೋ ಲೈಂಗಿಕ ತಜ್ಞ ತನ್ನೆದುರು ಕೂತ ದಂಪತಿಗಳಿಗೆ ನೀಡಿದ ಉಪದೇಶ ಅಲ್ಲ. ಲಂಡನ್‌ನ ಚರ್ಚ್ ಒಂದರ ‘ಕಾಮ-ಸೂತ್ರ’ ಬೋಧೆ! ಧಾರ್ಮಿಕ ಕೇಂದ್ರಗಳೆಂದರೆ ಅಲ್ಲಿ ಬರೀ ಧರ್ಮ ಬೋಧೆ, ಮತ ಪ್ರಚಾರ ಅಷ್ಟೇ ಇರುತ್ತೆ. ಆದರೆ ಲಂಡನ್‌ನ ಚರ್ಚ್‌ವೊಂದಕ್ಕೆ ಹೋದರೆ ಅಲ್ಲಿ ದಂಪತಿಗಳಿಗೆ ಮುಕ್ತವಾಗಿ ದಾಂಪತ್ಯ ದೀಪಿಕೆಯ ದರ್ಶನ ಮಾಡಲಾಗುತ್ತದೆ. ‘ಗ್ರೋವಿಂಗ್ ಟುಗೆದರ್’ ಎಂಬ ಹೆಸರಿನ ೧೨೦ ಪುಟಗಳ ಪುಸ್ತಕವೊಂದನ್ನು ಈ ಚರ್ಚ್ ಮುದ್ರಿಸಿದ್ದು ಅದರಲ್ಲಿ ವೈವಾಹಿಕ ಜೀವನ ಹೇಗಿರಬೇಕು, ಸೆಕ್ಸ್‌ನ್ನು ಹೇಗೆ ಅನುಭವಿಸಬೇಕು, ಮಕ್ಕಳು, ಹಣಕಾಸಿನ ನಿರ್ವಹಣೆ ಹೇಗೆ- ಇತ್ಯಾದಿ ವಿವರಣೆಗಳಿವೆಯಂತೆ. ಅದೆಲ್ಲಾ ಸರಿ, ಮತ ಬೋಧನೆ ಮಾಡುತ್ತಿದ್ದ ಚರ್ಚ್ ದಾಂಪತ್ಯದ ಬೋಧನೆಗೆ ಹೊರಟಿದ್ದಾದರೂ ಯಾಕೆ? ಬ್ರಿಟನ್‌ನಲ್ಲೀಗ ವಿಚ್ಛೇದನ ಪ್ರಕರಣಗಳು ಹೆಚ್ಚುತ್ತಿವೆ. ಅಲ್ಲಿನ ಪ್ರತಿ ನಾಲ್ಕು ಮಕ್ಕಳಲ್ಲಿ ಒಂದು ಮಗುವಿಗೆ ತಂದೆ ಅಥವಾ ತಾಯಿ ಯಾರಾದರೊಬ್ಬರ ಮುಖ ಕಾಣುವ ಭಾಗ್ಯವೇ ಇಲ್ಲ. ವಿಚ್ಛೇದನ ಪ್ರಕರಣ ತಡೆಯೋದಿಕ್ಕೆ ಚರ್ಚ್ ಹೊರಟಿದೆ.

‘ಹಾಸಿಗೆ ಸುಖ’ ಹೆಚ್ಚಬೇಕೇ- ಅಡುಗೆ ಮಾಡಿ!

2008-03-13T12:45:00.000-07:00

ನ್ಯೂಯಾರ್ಕ್: ‘ನನಗೆ ಹಾಸಿಗೆಯಲ್ಲಿ ಸುಖವೇ ಸಿಗುತ್ತಿಲ್ಲ. ದಿನಾ ಬರೀ ಯಾಂತ್ರಿಕವಾಗಿ ಕೆಲಸ ಮುಗಿಸೋದಷ್ಟೇ. ಜೀವನವೇ ಬೇಸರ ಬಂದುಬಿಟ್ಟಿದೆ’ ಎಂದು ಕೊರಗುತ್ತಿರುವ ಪುರುಷ ಸಿಂಹಗಳಿಗೆ ಇಲ್ಲಿದೆ ಒಂದು ಸುಲಭ ಉಪಾಯ. ಹಾಸಿಗೆ ಸುಖ ಹೆಚ್ಚಿಸಿಕೊಳ್ಳಬೇಕೇ? ಹಾಗಾದ್ರೆ ಅಡುಗೆ, ಮನೆಗೆಲಸ ಮಾಡಿ! ಇದೇನೂ ಢೋಂಗಿ ವೈದ್ಯರ ಜಾಹೀರಾತಲ್ಲ. ಕ್ಯಾಲಿಫೋರ್ನಿಯಾ ವಿವಿ ಸಂಶೋಧಕರ ಹೊಸ ಸಂಶೋಧನೆ. ಪತ್ನಿಗೆ ಅಡುಗೆ ಕೆಲಸ, ಮನೆಗೆಲಸದಲ್ಲಿ ಸಹಕರಿಸುವ ಗಂಡನಿಗೆ ಲೈಂಗಿಕ ಕ್ರಿಯೆಯಲ್ಲೂ ಹೆಚ್ಚಿನ ಸುಖ ಸಿಗುತ್ತದೆ ಎಂದು ಈ ಸಂಶೋಧಕರು ಹೇಳುತ್ತಾರೆ. ಸರಿ, ಅಡುಗೆ ಮಾಡೋದಕ್ಕೂ ಹಾಸಿಗೆ ಸುಖಕ್ಕೂ ಏನಪ್ಪಾ ಸಂಬಂಧ? ಸಂಬಂಧ ಇದೆ ಕಣ್ರೀ. ಮನೆಯಲ್ಲಿ ಹೆಂಡತಿಯ ಜತೆ ಕೆಲಸದಲ್ಲಿ ಗಂಡನೂ ಸೇರಿಕೊಂಡರೆ ಆಕೆಗೆ ಖುಷಿ ಹೆಚ್ಚಾಗುತ್ತೆ, ತೃಪ್ತಿ ಸಿಗುತ್ತೆ. ಮಿಲನ ಮಹೋತ್ಸವದಲ್ಲೂ ಅವಳು ಅದೇ ಖುಷಿಯಲ್ಲಿ ಪಾಲ್ಗೊಳ್ಳುತ್ತಾಳೆ. ಇದರಿಂದ ದಾಂಪತ್ಯವೂ ಸುಲಲಿತವಾಗಿ ಸಾಗುತ್ತದೆ ಎಂದು ಸಂಶೋಧಕರು ಗುಟ್ಟು ಬಿಟ್ಟುಕೊಟ್ಟಿದ್ದಾರೆ. ಗಂಡ ಮನೆಗೆಲಸ ಮಾಡಿದ್ರೆ ನಮಗೂ ಸೆಕ್ಸ್‌ನಲ್ಲಿ ಆಸಕ್ತಿ ಹೆಚ್ಚಾಗುತ್ತದೆ ಎಂದು ಪತ್ನಿಯರು ಸಂಶೋಧಕರ ಮುಂದೆ ಉಲಿದಿದ್ದಾರೆ. ಅಂದಹಾಗೆ, ಮನೆಗೆಲಸ ಮಾಡ್ಬೇಕಾಗಿದ್ದಲ್ವೇ ಅಂತ ಹೇಳಿ ಚಾವಡಿಯಲ್ಲಿ ಮಗುವಿನ ಜತೆ ಆಟ ಆಡ್ತಾ ಕೂತರೆ ಪತಿ-ಪತ್ನಿ ಸಂಬಂಧ ಸುಧಾರಿಸೋದಿಲ್ಲ ಎಂದು ಎಚ್ಚರಿಸುತ್ತಾರೆ ಮನೋವೈದ್ಯರು.

ಇಷ್ಟು ದೊಡ್ಡ ‘ಎದೆ’ ಇಟ್ಕೊಂಡು ಅಷ್ಟು ಚಿಕ್ಕ ಜಾಗದಲ್ಲಿ ತೂರೋಕೆ ಸಾಧ್ಯವೇ?

2008-03-13T12:44:00.000-07:00

ಟೋಕಿಯೋ: ಹೆಣ್ಮಕ್ಕಳಿಗೆ ತಮ್ಮ ‘ಎದೆ’ ದೊಡ್ಡದಿದ್ದರೂ ಕಿರಿಕಿರಿ, ಸಣ್ಣದಿದ್ದರೂ ತಲೆನೋವು. ಜಪಾನ್‌ನ ಮಾಡೆಲ್ ಸೆರೆನಾ ಕೊಜಾಕುರಾಗೆ ಕೂಡಾ ತನ್ನ ದೈತ್ಯ ಸ್ತನದ ಬಗ್ಗೆ ಕೀಳರಿಮೆ ಇತ್ತು. ಆದರೆ ಇದೇ ‘ಎದೆ’ ಆಕೆಗೆ ಕೋರ್ಟಲ್ಲಿ ಕೇಸು ಗೆಲ್ಲಿಸಿಕೊಟ್ಟಿದೆ! ತಾನು ಬೇರೊಬ್ಬಳ ಜತೆ ಇದ್ದಾಗ ಈ ೩೮ರ ಹರೆಯದ ಮಾಡೆಲ್ ಮನೆ ಬಾಗಿಲಿಗೆ ತೂತು ಕೊರೆದು ಅದರ ಮೂಲಕ ಅತಿಕ್ರಮಣ ಮಾಡಿದ್ದಳು ಎಂದು ವ್ಯಕ್ತಿಯೊಬ್ಬ ಕೋರ್ಟಲ್ಲಿ ಕೇಸು ದಾಖಲಿಸಿದ್ದ. ಈಕೆ ಇಷ್ಟು ದೊಡ್ಡ ಎದೆ ಇಟ್ಕೊಂಡು ಅಷ್ಟು ಚಿಕ್ಕ ಜಾಗದಲ್ಲಿ ತೂರೋದು ಸಾಧ್ಯವೇ ಎಂದು ಸೆರೆನಾ ವಕೀಲರು ಕೋರ್ಟಲ್ಲಿ ಪ್ರಶ್ನಿಸಿದ್ದರು. ಬಾಗಿಲಿಗೆ ಕೊರೆದ ರಂಧ್ರದಷ್ಟೇ ಗಾತ್ರದ ರಿಂಗ್‌ನ್ನು ಆಕೆಯ ತಲೆಯಿಂದ ಹಾಕಿ ನ್ಯಾಯಾಧೀಶರಿಗೆ ಮನವರಿಕೆ ಮಾಡಿ ಕೊಡಲಾಯಿತು. ಈ ‘ಸತ್ಯ ದರ್ಶನ’ದಿಂದ ಸಂತುಷ್ಟರಾದ ನ್ಯಾಯಾಧೀಶರು ಸೆರೆನಾ ಪರ ತೀರ್ಪು ನೀಡಿದ್ದರು. ಇಷ್ಟೆಲ್ಲಾ ಆದ ಬಳಿಕ ಟಿವಿ ಚಾನೆಲೊಂದು ಆಕೆಯನ್ನು ಸ್ಟುಡಿಯೋಕ್ಕೆ ಕರೆಸಿ ‘ದೈತ್ಯ’ ಮಾಡೆಲ್ ಬಾಗಿಲ ತೂತಿನಲ್ಲಿ ತೂರೋದು ಅಸಾಧ್ಯ ಎಂಬ ಬಗ್ಗೆ ಪ್ರಾತ್ಯಕ್ಷಿಕೆಯನ್ನೂ ಮಾಡಿತು!

ಜಿಪುಣ ಗಂಡನಿಗೆ ಲಕ್ಷ ಗುಲಾಬಿ ನೀಡೋ ಶಿಕ್ಷೆ!

2008-03-13T12:41:00.000-07:00

ಟೆಹ್ರಾನ್: ಚಿನ್ನಾ ನೀನಿಲ್ದೆ ನಾ ಇರೋದು ಹೇಗೆ ಹೇಳು, ಏಳೇಳು ಜನ್ಮಕ್ಕೂ ನೀನೇ ನನ್ನವಳು ಎಂದು ಹೇಳಬೇಕಾದ ಸಮಯದಲ್ಲಿ ‘ಜಿಪುಣತನ’ ತೋರಿದ ಪತಿರಾಯ ಪಶ್ಚಾತ್ತಾಪ ಪಡ್ತಾ ಇದ್ದಾನೆ. ಜಿಪುಣತನಕ್ಕಾಗಿ ನ್ಯಾಯಾಲಯ ಪತ್ನಿಗೆ ೧ ಲಕ್ಷದ ೨೪ ಸಾವಿರ ಗುಲಾಬಿ ಹೂವುಗಳನ್ನು ನೀಡುವಂತೆ ತೀರ್ಪು ನೀಡಿದೆ. ಇದಕ್ಕೆಲ್ಲಾ ಕಾರಣವಾಗಿದ್ದು ಇರಾನ್‌ನಲ್ಲಿರುವ ಕಾನೂನು. ಪತಿರಾಯನಿಗೆ ನೀಡಿದ ವರದಕ್ಷಿಣೆಯನ್ನು ಮದುವೆಯಾದ ನಂತರ ಅಥವಾ ವಿಚ್ಛೇದನ ವೇಳೆ ಪಡೆಯಬಹುದು ಎನ್ನುತ್ತದೆ ಕಾನೂನು. ಶಹೀನ್- ಹೆಂಗಾಮೇಹ್ ದಾಂಪತ್ಯಕ್ಕೆ ೧೦ ವರ್ಷ ಸಂದಿದೆ. ಆದರೆ ಆರಂಭದಲ್ಲೇ ಆಕೆಯೊಡನೆ ಸರಸವಾಡುವುದನ್ನು ಬಿಟ್ಟು ಆತ ತನ್ನ ಜಿಪುಣತನ ತೋರಲಾರಂಭಿಸಿದ. ಇದರಿಂದ ಉಗ್ರಸ್ವರೂಪಿಣಿಯಾದ ಆಕೆ ಕಾಫಿಯ ಹಣ ಕೊಡಲು ಹಿಂಜರಿಯುತ್ತಿದ್ದ ಪತಿ ವರದಕ್ಷಿಣೆಯನ್ನು ಗುಲಾಬಿ ರೂಪದಲ್ಲೇ ಬೇಕೆಂದು ಹಠ ಹಿಡಿದಿದ್ದಳು. ಆದರೆ ನ್ಯಾಯಾಲಯದಲ್ಲೂ ಪತಿರಾಯ ಜಿಪುಣತನ ಬಿಡಲಿಲ್ಲ. ದಿನಕ್ಕೆ ೫ ಗುಲಾಬಿ ಹೂ ನೀಡಲಷ್ಟೇ ಸಾಧ್ಯ ಎಂದಿದ್ದಾನೆ. ನ್ಯಾಯಾಲಯ ೬೪ ಸಾವಿರ ಡಾಲರ್ ಮೊತ್ತದ ಆತನ ಅಪಾರ್ಟ್‌ಮೆಂಟನ್ನು ಸ್ವಾಧೀನ ಪಡಿಸಿದೆ. ಹೆಂಗಾಮೇಹ್ ನಗುವಾ... ಗುಲಾಬಿ ಹೂವೇ... ಎಂದು ಗುಲಾಬಿಗಾಗಿ ಕಾಯುತ್ತಿದ್ದರೆ ಪತಿ ಶಾಹಿನ್‌ಗೆ ಮೈಯೆಲ್ಲಾ ಮುಳ್ಳುತಾಕುತ್ತಿರುವ ಅನುಭವ!

ಬ್ರಿಟನ್ನಲ್ಲಿ ದಾದಿಯರ ಸರಸವಿದೇನೇ!

2008-03-13T12:40:00.000-07:00

ಲಂಡನ್: ಅಯ್ಯೋ ಆಸ್ಪತ್ರೆ ವಾಸ ಯಾರಿಗೆ ಬೇಕು, ನನ್ನನ್ನು ಹೇಗಾದರೂ ಮಾಡಿ ಇಲ್ಲಿಂದ ಕರೆದುಕೊಂಡು ಹೋಗಿ ಎನ್ನುವ ಆಸ್ಪತ್ರೆಗೆ ದಾಖಲಾದ ರೋಗಿಗಳ ಆರ್ತನಾದ ನಾವು ಕೇಳಿರುತ್ತೇವೆ. ಆದರೆ, ಬ್ರಿಟನ್ ಕಥೇನೇ ಬೇರೆ. ಅಲ್ಲಿ ದಾದಿಯರ ಸೇವೆ ಪಡೆಯುತ್ತಿರುವ ‘ಪುರುಷ’ ರೋಗಿಗಳು ಇಂತಹ ಸೊಲ್ಲೆತ್ತುವುದಿಲ್ಲ. ಕಾರಣ, ಅವರಿಗೆ ಆಸ್ಪತ್ರೆಯಲ್ಲಿದ್ದರೆ ದಾದಿಯರ ‘ಸಾಂಗತ್ಯ’ ದೊರಕುತ್ತದೆ! ಇಲ್ಲಿನ ಪ್ರತಿ ೧೦ ದಾದಿಯರಲ್ಲಿ ಒಬ್ಬಾಕೆ ರೋಗಿಯ ಜತೆ ಸರಸ, ಸಲ್ಲಾಪಗಳಲ್ಲಿ ತೊಡಗುತ್ತಾರೆ ಎಂದು ನರ್ಸಿಂಗ್ ಟೈಮ್ಸ್ ನಿಯತಕಾಲಿಕೆ ತನ್ನ ಸಮೀಕ್ಷಾ ವರದಿಯಲ್ಲಿ ಹೇಳಿದೆ. ಸಮೀಕ್ಷೆಯಲ್ಲಿ ಭಾಗವಹಿಸಿದ್ದ ಆರರಲ್ಲಿ ಒಬ್ಬರು ದಾದಿಯರು ರೋಗಿಗಳ ಜತೆ ‘ರಹಸ್ಯ’ ಲೈಂಗಿಕ ಸಂಬಂಧವಿರಿಸಿದ್ದನ್ನು ಒಪ್ಪಿಕೊಂಡಿದ್ದಾರೆ. ಇದರಲ್ಲಿ ಕೆಲವು ಮದುವೆಯಲ್ಲಿ ಪರ್ಯವಸಾನಗೊಂಡದ್ದೂ ಇದೆ. ಇನ್ನೊಂದು ಸಂಗತಿ ಗೊತ್ತಾ ನಿಮಗೆ? ಬ್ರಿಟನ್‌ನಲ್ಲಿ ಒಟ್ಟಾರೆ ೪ ಲಕ್ಷ ದಾದಿಯರಿದ್ದಾರೆ. ಇವರಲ್ಲಿ ಹೆಚ್ಚಿನವರು ಭಾರತೀಯ ನಾರಿಯರು! ರೋಗಿಯ ಜತೆ ಸರಸ, ಸಂಬಂಧಗಳ ಬಗ್ಗೆ ತಲೆಕೆಡಿಸಿಕೊಂಡಿರುವ ಇಲ್ಲಿನ ಆರೋಗ್ಯ ರಕ್ಷಾ ನಿಯಂತ್ರಣ ಪ್ರಾಧಿಕಾರ ಹೊಸ ರೋಗಿಯ ಜತೆ ಲೈಂಗಿಕ ಸಂಬಂಧ ಇಟ್ಟುಕೊಂಡರೆ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲಾಗುವುದು ಎಂದು ಹೇಳಿದೆ.

ಈಕೆಗೆ 10 ಜನರೊಂದಿಗೆ ‘honey’moon ಭಾಗ್ಯ!

2008-01-08T12:45:00.000-08:00

ಗಂಡ ಮಧುಚಂದ್ರಕ್ಕೆ (honeymoon) ಕರೆದೊಯ್ದಿಲ್ಲಾ ಎಂದು ಕೆಂಡಕಾರುವ ಪತ್ನಿಯರಿಗೊಂದು ಹೊಟ್ಟೆಕಿಚ್ಚಿನ ಸುದ್ದಿ. ಕ್ಯೂಬಾದ ಮಹಿಳೆಯೊಬ್ಬಳು ಬರೋಬ್ಬರಿ 10 ಸಲ ಮಧುಚಂದ್ರ ಯಾತ್ರೆ ಮುಗಿಸುವಲ್ಲಿ ಯಶಸ್ವಿಯಾಗಿದ್ದಾಳಂತೆ.

ವಿಷಯ ಇಷ್ಟೇ ಆಗಿದ್ದರೆ ಅದರಲ್ಲಿ ಗಮ್ಮತ್ತು ಇರಲಿಲ್ಲ. ಈಕೆ 10 ಬಾರಿ ಮಧುಚಂದ್ರ ಮುಗಿಸಿದ್ದು 10 ಜನ ಗಂಡಂದಿರೊಂದಿಗೆ ಎಂಬುದೇ ಕರಾಮತ್ತಿನ ವಿಷಯ. ಇಲ್ಲಿನ ಎನೂಸಿ ಲೋಪೆಜ್ ಎಂಬ 26 ವರ್ಷದ ಯುವತಿ ತಾನಿನ್ನೂ ಕನ್ಯೆ ಎಂದು ಘೋಷಿಸಿಕೊಳ್ಳುತ್ತಲೇ ಕಳೆದ 4 ವರ್ಷದ ಅವಧಿಯಲ್ಲಿ 10 ಪುರುಷರನ್ನು ವರಿಸಿದ್ದಳಂತೆ.

ಮದುವೆಯಾಗಿದ್ದು ಸಾಲದೆಂಬಂತೆ ಪ್ರತಿಯೊಬ್ಬರೊಂದಿಗೂ ಮೋಜಿನ honeymoon ಮುಗಿಸಿದ ಭಾರಿ ಗಟ್ಟಿಗಿತ್ತಿ ಎನ್ನಿಸಿಕೊಂಡಿದ್ದಾಳೆ. ಮೊದಲು ಬೇರೆ ಬೇರೆ ದೇಶದ ವ್ಯಕ್ತಿಗಳೊಂದಿಗೆ ಮದುವೆ, ಕೊನೆಗೆ ಮಧುಚಂದ್ರ ಆಮೇಲೆ, ವೀಸಾ ಮತ್ತಿತರ ಕೆಲಸಕ್ಕೆ ಹಣ ಬೇಡುವುದು, ಕೊಡಲಿಲ್ಲವೆಂದರೆ ದೂರು ಕೊಡುವುದಾಗಿ ಬೆದರಿಕೆ ಹಾಕುವುದು ಇವಳ ಕಾಯಕವಾಗಿತ್ತಂತೆ. ಯಾರಿಗೂ ವಿಚ್ಛೇದನ ಕೊಡದೆಯೇ ಈ ‘Honey’ ಮತ್ತೊಬ್ಬರನ್ನು ವರಿಸುತ್ತಿದ್ದಳಂತೆ. ವಿಷಯ ಪೊಲೀಸರಿಗೆ ತಿಳಿದ ಮೇಲೆ ಇದೀಗ ಜೈಲಿನಲ್ಲಿ ‘Honey’ ಇಲ್ಲದೆ ರಾತ್ರಿ ಹೊತ್ತು ‘Moon’ ನೋಡ್ತಾ ಇದ್ದಾಳಂತೆ.

ಪುರುಷರಿಗೆ ಕೆಲಸಕ್ಕಿಂತಲೂ ‘ಅದೇ’ ಮುಖ್ಯ!

2008-01-08T12:42:00.000-08:00

ಮನೆಗೆಲಸ ರಾಶಿಯಷ್ಟು ಬಾಕಿಯಿದ್ದರೂ ಗಂಡ ಹೆಂಡತಿಯನ್ನು ಸರಸಕೆ ಬಾರೇ ಎಂದು ಕರೆಯುತ್ತಾನೆ. ಆದರೆ ಈ ಕೆಲಸಗಳನ್ನೆಲ್ಲಾ ಯಾರು ಮಾಡೋದು ಎಂದು ಮರುಪ್ರಶ್ನೆ ಎಸೆದು ಎಲ್ಲಾ ಕರ್ತವ್ಯ ಮುಗಿಸಿದ್ಮೇಲಷ್ಟೇ ಹೆಂಡತಿ ಪ್ರೇಮ ಸಲ್ಲಾಪಕ್ಕೆ ಬರುತ್ತಾಳೆ.

ಹೌದು, ಗಂಡು ಕೆಲಸ, ಕರ್ತವ್ಯ ಎಲ್ಲವನ್ನೂ ಬಿಟ್ಟು ‘ಸೆಕ್ಸ್’ಗೇ ಮೊದಲ ಆದ್ಯತೆ ನೀಡುತ್ತಾನೆ. ಆದರೆ ಸೆಕ್ಸ್‌ಗಾಗಿ ಕೆಲಸ ಬದಿಗಿಡಲು ಹೆಣ್ಣು ನಿರಾಕರಿಸುತ್ತಾಳೆ. ಅಂತಾರಾಷ್ಟ್ರೀಯ ಸಂಶೋಧಕರ ತಂಡವೊಂದು ಈ ಸಂಶೋಧನೆ ನಡೆಸಿದೆ. ಕರ್ತವ್ಯವನ್ನು ತ್ಯಾಗ ಮಾಡಿಯಾದರೂ ಸರಿ, ಪುರುಷ ಪ್ರೀತಿ ಮಾಡತೊಡಗುತ್ತಾನೆ.

ಆದರೆ ಮಹಿಳೆಯರು ಹಾಗಲ್ಲ, ತಮ್ಮ ವೃತ್ತಿಗೆ ಬದ್ಧವಾಗಿರುತ್ತಾರೆ. ಪ್ರೀತಿ, ಪ್ರೇಮಕ್ಕಿಂತಲೂ ಅವರಿಗೆ ಗುರಿಯೇ ಮುಖ್ಯವಾಗಿರುತ್ತದೆ ಎಂದು ಸಂಶೋಧನೆ ನಡೆಸಿದ ತಂಡದ ಮುಖ್ಯಸ್ಥ ಶೆರೋನ್ ಡಾನೋಫ್ ಬರ್ಗ್ ವಿವರಿಸುತ್ತಾರೆ. ಈ ಅಧ್ಯಯನದಿಂದ ಕಂಡುಬಂದ ಇನ್ನೊಂದು ಸಂಗತಿ, ಪುರುಷರು ಸ್ನೇಹಿತರಿಂದ ಹೆಚ್ಚಿನ ಭಾವನಾತ್ಮಕ ಬೆಂಬಲ ಗಳಿಸುತ್ತಾರೆ.

ಖಿನ್ನ ಹೆಂಗಸರು ಪರಿಮಳ ಸೂಸುತ್ತಾರೆ!

2008-01-08T12:41:00.000-08:00

ಮಹಿಳೆಯರು ಹೆಚ್ಚೆಚ್ಚು ಪರ್‌ಫ್ಯೂಮ್ ಹಾಕಿಕೊಳ್ಳುತ್ತಿದ್ದಾರೆ ಎಂದರೆ ಏನರ್ಥ? ಹಾಗೇ ಬಂದರೆ ವಾಸನೆ ಹೊಡೆಯಬಹುದು ಎಂದಷ್ಟೇ ಅರ್ಥವಲ್ಲ. ಅವರು ಖಿನ್ನತೆಯಿಂದ ಬಳಲುತ್ತಿದ್ದಾರೆ ಹಾಗೂ ಅಪಾಯದಲ್ಲಿದ್ದಾರೆ ಎಂದೂ ಅರ್ಥ. ಇಸ್ರೇಲಿನ ಸಂಶೋಧಕರು ಪತ್ತೆಹಚ್ಚಿದ ಗಂಭೀರ ವಿಷಯವಿದು. ಇದನ್ನು ಬ್ರಿಟನ್ನಿನ ‘ಡೇಲಿ ಟೆಲಿಗ್ರಾಫ್’ ಯಥಾವತ್ತು ವರದಿ ಮಾಡಿದೆ.

‘ನಮ್ಮ ಸಂಶೋಧನೆಯ ಪ್ರಕಾರ, ಖಿನ್ನತೆಯಿಂದ ಬಳಲುವ ಮಹಿಳೆಯರು ಪರಿಮಳ ಗ್ರಹಿಸುವ ಶಕ್ತಿ ಕಳೆದುಕೊಳ್ಳುತ್ತಾರೆ. ಹಾಗಾಗಿ, ಸಿಕ್ಕಾಪಟ್ಟೆ ಸೆಂಟ್ ಸುರುವಿಕೊಳ್ಳುತ್ತಾರೆ. ಅದೊಂದು ಕಾಯಿಲೆ; ಬರೀ ಮಾನಸಿಕ ಸಮಸ್ಯೆಯಷ್ಟೇ ಅಲ್ಲ, ದೈಹಿಕವಾಗಿಯೂ ನಷ್ಟ ಉಂಟುಮಾಡಬಲ್ಲದು’ ಎಂದು ಸಂಶೋಧಕರು ಹೇಳಿದ್ದಾರೆ. ಹಾಗಾಗಿ, ಹೆಂಡತಿ ಹತ್ತಿರ ಬಂದಾಗ ಸಕ್ಕತ್ ಪರಿಮಳ ಬರುತ್ತಿದ್ದರೆ ಗಂಡ ಇನ್ನು ಮುಂದೆ ಖುಷಿಪಡುವಂತಿಲ್ಲ, ಆಸ್ಪತ್ರೆಯ ದಾರಿ ಹುಡುಕಬೇಕು!

ಉಗಾಂಡದಲ್ಲಿ ಸೆಕ್ಸ್ ಗಿಡಕ್ಕೆ ಗಂಡಾಂತರ!

2008-01-08T12:35:00.000-08:00

‘ತೆಂಗಿನ ಮರದ ಎಳೆಯ ಗರಿಯಲ್ಲಿರುವ ಪುಡಿ ತಿನ್ನಿ, ಲೈಂಗಿಕ ಶಕ್ತಿ ಹೆಚ್ಚಾಗುತ್ತೆ ಅಂದ್ರೆ ಯಾರೂ ಕೇಳೋದಿಲ್ಲ. ವಯಾಗ್ರಾ ಅಂತ ಸಾಯ್ತಾರೆ’ ಎಂದು ಭಾರತದ ಆಯುರ್ವೇದ ತಜ್ಞರು ಬೊಬ್ಬೆ ಹಾಕುತ್ತಾರೆ.

ಆದರೆ, ಉಗಾಂಡಾದಲ್ಲಿ ಹಾಗಲ್ಲ. ಅಲ್ಲಿ ವಯಾಗ್ರಾವನ್ನು ಕೇಳುವವರೇ ಇಲ್ಲ. ಏಕೆಂದರೆ, ಅಲ್ಲಿ ಸಿಟ್ರಾಪ್ಸಿಸ್ ಹೆಸರಿನ ಸೆಕ್ಸ್ ಗಿಡವೊಂದಿದೆ. ಅದು ಅಲ್ಲಿನ ಲೋಕಲ್ ವಯಾಗ್ರಾ. ಅದರ ಎಲೆ ತಿಂದರೆ ಸಾಕು, 3 ಗಂಟೆಯಲ್ಲಿ ಎಂತಹ ನಿಶ್ಶಕ್ತರೂ ಹಾಸಿಗೆ ವೀರರಾಗುತ್ತಾರೆ. ಇಷ್ಟೇ ಆಗಿದ್ದರೆ ಸಕ್ಕತ್ತಾಗಿದೆ ಎಂದು ಖುಷಿಪಟ್ಟು, ಆ ಗಿಡ ತರಿಸಿಕೊಳ್ಳುವ ಬಗ್ಗೆ ಯೋಚಿಸಬಹುದಿತ್ತು.

ಆದರೆ, ಉಗಾಂಡಾದ ಗಂಡಸರು ಈ ಗಿಡದ ಎಲೆ, ಕಾಂಡ, ಬೇರು ಒಂದನ್ನೂ ಬಿಡದೆ ಹರಿದು ತಿಂದು ಮಜಾ ಉಡಾಯಿಸುತ್ತಿರುವ ಕಾರಣ ಈಗ ಈ ಸೆಕ್ಸ್ ಗಿಡಕ್ಕೇ ವಯಾಗ್ರಾ ಕೊಟ್ಟು ಬೆಳೆಸುವ ಸ್ಥಿತಿ ಬಂದಿದೆ!

ಉಗಾಂಡಾದಲ್ಲಿ ಶೇ.80ರಷ್ಟು ಮಂದಿ ಎಲ್ಲ ರೋಗಕ್ಕೂ ಗಿಡಮೂಲಿಕೆಯನ್ನೇ ಬಳಸುತ್ತಾರೆ. ಅಲ್ಲೀಗ ಲೈಂಗಿಕ ರೋಗಗಳು ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಸೆಕ್ಸ್ ಗಿಡವನ್ನು ಉಳಿಸಿದರಷ್ಟೇ ಸಾಲದು, ನೀಲಗಿರಿ ತೋಪು ಬೆಳೆಸಿದಂತೆ ಬೆಳೆಸಬೇಕಾದೀತು!

‘ಸ್ವೀಟ್’ ಸಿಕ್ಸ್ ಟೀನ್

2007-12-27T12:10:00.000-08:00

ಪೋಲಿ ಹುಡುಗರು ‘ಹಾಯ್ ಸ್ವೀಟಿ’ ಎಂದು ಅರ್ಥಪೂರ್ಣವಾಗಿ ಚುಡಾಯಿಸಬಹುದಾದ ಬೆಡಗಿ ಈಕೆ. ಸಿಹಿ ತುಟಿಯಲ್ಲೊಂದೇ ಅಲ್ಲ, ಕಟಿಯಲ್ಲೂ! ಇವಳು ತೊಟ್ಟಿರುವುದು ಚಾಕೊಲೆಟ್ ಮಿನಿ. ಸ್ವಿಸ್ ವಿನ್ಯಾಸಗಾರನೊಬ್ಬ ಇತ್ತೀಚೆಗೆ ಲಂಡನ್ನಿನಲ್ಲಿ ಇದನ್ನು ಪ್ರದರ್ಶಿಸುತ್ತ 70,000 ಕ್ಯಾಲರಿಯ ಚಾಕೊಲೆಟ್‌ಗಳು ಈಕೆಯ ಸೊಂಟದಲ್ಲಿವೆ ಎಂದು ಘೋಷಿಸಿ ನೆರೆದವರಲ್ಲಿ ನೀರೂರಿಸಿದ. ಪುಟ್ಟ ಹುಡುಗರು ಇವಳತ್ತ ಆಸೆಗಣ್ಣಿಂದ ನೋಡಿದರೆ ಪಾಲಕರು ತಪ್ಪು ತಿಳಿದುಕೊಳ್ಳಬಾರದು.

ಸಾಕಾ, ಇನ್ನೂ ಬೇಕಾ?

2007-12-27T12:08:00.000-08:00

ಗಗನಸಖಿಯರು ಸುಂದರವಾಗಿರುತ್ತಾರೆ. ಅದು ಮಲ್ಯರ ವಿಮಾನವಾಗಿದ್ದರೆ ಸೆಕ್ಸಿಯಾಗಿಯೂ ಇರುತ್ತಾರೆ. ‘ಗುಂಡು’ ಸಪ್ಲೈ ಮಾಡುವ ವಿದೇಶೀ ವಿಮಾನವಾಗಿದ್ದರೆ ಇರುವುದಕ್ಕಿಂತ ಹೆಚ್ಚು ಸೆಕ್ಸಿಯಾಗಿ ಮತ್ತು ಸುಂದರವಾಗಿ ಕಾಣುತ್ತಾರೆ. ಆಗ ಒಮ್ಮೊಮ್ಮೆ ಎಡವಟ್ಟುಗಳಾಗುತ್ತವೆ. ಅದನ್ನು ತಡೆಯಲು ಅಮೆರಿಕದಲ್ಲಿ ಗಗನಸಖಿಯರಿಗೆ ಈ ತರಬೇತಿ. ಈತ ರಬ್ಬರ್ ಮನುಷ್ಯ. ವಿಮಾನದಲ್ಲಿ ತರಲೆ ಮಾಡುವವರಿಗೆ ಕಾಲೂ ಇರುತ್ತದೆ ಎಂಬುದು ನೆನಪಿರಬೇಕು.

ಅವು ಕಿರುಚದಿದ್ದರೆ ಇವು ಸ್ಖಲಿಸುವುದಿಲ್ಲ!

2007-12-24T01:45:00.000-08:00

ಲೈಂಗಿಕ ಕ್ರಿಯೆ ನಡೆಯುವಾಗ ಜೋರಾಗಿ ಕಿರುಚಾಟ ಕೇಳಿಸುತ್ತಿದೆ ಎಂದರೆ ಏನರ್ಥ? ನಿಜ ಜೀವನದಲ್ಲಾದರೆ- ಏನೋ ಎಡವಟ್ಟಾಗಿದೆ. ಬ್ಲೂ ಫಿಲಂನಲ್ಲಾದರೆ- ನೋಡುಗರನ್ನು ಉದ್ರೇಕಗೊಳಿಸುವ ಸ್ಟಂಟ್. ಆದರೆ, ಮಂಗಗಳು ಸೆಕ್ಸ್‌ನಲ್ಲಿ ತೊಡಗಿದ್ದಾಗ ಸಿಕ್ಕಾಪಟ್ಟೆ ಕಿರುಚುತ್ತವೆ. ಕಿರುಚುವುದು ಹೆಣ್ಣು ಮಂಗ ಮಾತ್ರ ಏಕಿರಬಹದು? ಏಕೆಂದರೆ, ಅವು ಹಾಗೆ ಕರ್ರೋಪರ್ರೋ ಕಿರುಚಿದರೆ ಮಾತ್ರ ಗಂಡು ಮಂಗಕ್ಕೆ ಸ್ಖಲನವಾಗುತ್ತದೆ. ಇಲ್ಲವಾದರೆ ಅಷ್ಟೊತ್ತು ಗುದ್ದಾಡಿದ್ದು ವೇಸ್ಟ್!

ಇಂತಹ ಗಂಭೀರ ವಿಷಯವನ್ನು ಪತ್ತೆ ಹಚ್ಚಿ ಜಗತ್ತಿಗೆ ಸಾರಿದವರು ಬ್ರಿಟನ್ನಿನ ಪ್ರಾಣಿ ಶಾಸ್ತ್ರಜ್ಞರು. ಮಂಗಗಳು ಮಂಗಾಟವಾಡುವುದನ್ನೇ ಅನೇಕ ವರ್ಷಗಳ ಕಾಲ ತಾಳ್ಮೆಯಿಂದ ಕದ್ದು ನೋಡಿ, ಅವುಗಳ ಕಿರುಚಾಟ ಅರಚಾಟವನ್ನೆಲ್ಲಾ ಕೇಳಿ ಈ ಫಲಿತಾಂಶ ಪಡೆದಿದ್ದಾರೆ.

ಹೀಗೆ ಕೂಗುವುದರಿಂದ ಹೆಣ್ಣು ಮಂಗಗಳು ಗಂಡು ಮಂಗಕ್ಕೆ ಮತ್ತಷ್ಟು ಆಕರ್ಷಕವಾಗಿ ಕಾಣುತ್ತವೆಯಂತೆ. ಅಷ್ಟೇ ಅಲ್ಲ, ಆಗ ಸ್ಖಲಿಸುವ ವೀರ್ಯದ ಪ್ರಮಾಣವೂ ಹೆಚ್ಚಿರುತ್ತದೆಯಂತೆ. ಗಂಡು ಮಂಗದ ಹೊಡೆತವೂ ಹೆಚ್ಚೆಚ್ಚು ವೇಗ ಪಡೆಯುತ್ತದೆಯಂತೆ!

‘59 ಜೋಡಿ ಮಂಗಗಳು ಮೈಥುನದಲ್ಲಿ ತೊಡಗಿದ್ದನ್ನು ಅಧ್ಯಯನ ಮಾಡಿದೆವು. ಹೆಣ್ಣು ಮಂಗ ಜೋರಾಗಿ ಕಿರುಚುತ್ತಿದ್ದಾಗ ೫೯ ಗಂಡು ಮಂಗಗಳು ಯಶಸ್ವಿಯಾಗಿ ಸ್ಖಲಿಸಿದವು. ಅವು ಕಿರುಚದೇ ಇದ್ದಾಗ ಶೇ.2ರಷ್ಟು ಕಡಮೆ ಸ್ಖಲಿಸಿದವು’ ಎಂದು ಮಂಗನ ತಜ್ಞರು ಹೇಳಿದ್ದಾರೆ.

ಮಂಗಗಳಿಗೆ ವಿಜ್ಞಾನಿಗಳು ಕೊಟ್ಟ ಕಾಟ ಇಷ್ಟಕ್ಕೇ ಮುಗಿದಿಲ್ಲ. ಸೆಕ್ಸ್ ಮಾಡುವಾಗ ಗಂಡು ಮಂಗ ಎಷ್ಟು ಏಟು ಹಾಕುತ್ತದೆ ಎಂಬುದನ್ನೂ ಲೆಕ್ಕಹಾಕಿದ್ದಾರೆ. ಏಟು ಜೋರಾದಂತೆಲ್ಲ ಕಿರುಚಾಟ ಜೋರಾಗುತ್ತದೆ, ಕಿರುಚಾಟ ಜೋರಾದಂತೆ ಏಟೂ ಜೋರಾಗುತ್ತದೆ ಎಂಬ ಮಹದ್ವಿಷಯವನ್ನೂ ಅವರು ಹೊರಹಾಕಿದ್ದಾರೆ.

ಈ ವಿಜ್ಞಾನಿಗಳಿಗೆ ಮಾಡಲು ಬೇರೆ ಕೆಲಸ ಇಲ್ಲವೇ?

ಚೀನಾಕ್ಕೆ ದಕ್ಕಿದ ‘ಮಾಡೆಲ್’ ಪ್ರೊಫೆಸರ್!

2007-12-19T13:30:00.000-08:00

ಈ ಸುದ್ದಿ ಓದಿದ್ರೆ ನಿಜವಾಗಲೂ ಭಾರತದ ವಿದ್ಯಾರ್ಥಿಗಳಿಗೆಲ್ಲಾ ಹೊಟ್ಟೆಯುರಿಯುತ್ತೆ.

ನಮಗಾದ್ರೂ ಸಿಗಬಾರದಿತ್ತೇ ಇಂಥಾ ‘ಮಾಡೆಲ್’ ಪ್ರೊಫೆಸರ್ ಅಂದುಕೊಳ್ತಾ ಕೈ ಕೈ ಹಿಸುಕಿಕೊಳ್ಳುತ್ತಾರೆ. ಕಾರಣವೇನು ಗೊತ್ತಾ? ಚೀನಾದಲ್ಲೊಂದು ಕಾಲೇಜು ಒಬ್ಬ ಉಪನ್ಯಾಸಕಿಯನ್ನು ನೇಮಿಸಿಕೊಂಡಿದೆ. ಆಕೆ ‘ಮಾಡೆಲ್’ ಪ್ರೊಫೆಸರ್. ಆದರೆ ಅಬ್ದುಲ್ ಕಲಾಂ ಹೇಳುವ ‘ಮಾಡೆಲ್’ನ ಉಪನ್ಯಾಸಕಿ ಇವಳಲ್ಲ. ರಾಂಪ್ ಮೇಲಿಂದ ನೇರವಾಗಿ ಕಾರಿಡಾರಿಗೆ ಕ್ಯಾಟ್‌ವಾಕ್ ಮಾಡುತ್ತಾ ಬಂದ ‘ಮಾಡೆಲ್’ ಈಕೆ! ವಯಸ್ಸು ೧೯. ಈ ದಂತದ ಬೊಂಬೆ ಮಕ್ಕಳಿಗೇನು ಪಾಠ ಮಾಡುತ್ತಾಳೆ ಅನ್ನುವ ಕುತೂಹಲವೇ? ಫ್ಯಾಷನ್ ಜಗತ್ತಿನ ಬಗ್ಗೆ ತನ್ನ ಅನುಭವವನ್ನು ವಿದ್ಯಾರ್ಥಿಗಳಿಗೆ ಧಾರೆ ಎರೆಯಲಿದ್ದಾಳಂತೆ.

ಜತೆಗೆ ಬೆಕ್ಕಿನ ನಡಿಗೆಯನ್ನೂ ಕಲಿಸುತ್ತಾಳಂತೆ. ಈ ಮಾಡೆಲ್ ಪ್ರೊಫೆಸರ್ ಎದುರಿದ್ರೆ ಇದೇ ‘ಮಾಡೆಲ್’ನಲ್ಲಿ ನಾವೂ ಬೆಳೆಯಬೇಕು ಎಂದು ವಿದ್ಯಾರ್ಥಿಗಳಿ ಜ್ಞಾನೋದಯವಾಗುತ್ತೆ ಎಂಬುದು ಉತ್ತರ ಚೀನಾದಲ್ಲಿರುವ ಈ ಫ್ಯಾಷನ್ ಕಾಲೇಜಿನ ಆಲೋಚನೆ. ಅಂದ ಹಾಗೆ, ಈ ಮಾಡೆಲ್ ಕಾರಿಡಾರಲ್ಲಿ ಫುಲ್‌ಟೈಮ್ ಕ್ಯಾಟ್‌ವಾಕ್ ಮಾಡೋದಿಲ್ವಂತೆ. ಪ್ರತಿ ಸೆಮಿಸ್ಟರ್‌ಗೆ ಎರಡು ಕ್ಲಾಸ್‌ನಲ್ಲಷ್ಟೇ ಮಕ್ಕಳಿಗೆ ದರ್ಶನ ಭಾಗ್ಯ ಅಷ್ಟೇ.

ಬಂದಿದೆ ‘ಬುದ್ಧಿವಂತ’ ಬ್ರಾ

2007-12-18T13:05:00.000-08:00

ಮುಂಜಾನೆದ್ದು ಜಾಗಿಂಗ್ ಹೋಗುವಾಗ, ಸಾರ್ವಜನಿಕ ಸ್ಥಳಗಳಲ್ಲಿ ವೇಗವಾಗಿ ಹೆಜ್ಜೆ ಹಾಕುವಾಗ ಮಹಿಳೆಯರಿಗೆ ‘ಎದೆ ಜಿಗಿತ’ದ್ದೇ ಸಮಸ್ಯೆ. ಮೈಯೆಲ್ಲಾ ಕಣ್ಣಾಗಿದ್ದಷ್ಟೂ ಸಾಕಾಗೋದಿಲ್ಲ, ಪೋಲಿ ಹುಡುಗರ ಹದ್ದಿನ ಕಣ್ಣು ಅಲ್ಲೇ ನೆಟ್ಟಿರುತ್ತದೆ. ಮಹಿಳೆಯರಿಗಿನ್ನು ಎದೆ ಜಿಗಿತದ ಸಮಸ್ಯೆಯಿಂದ ಮುಕ್ತಿ ದೊರೆಯಲಿದೆ.

ಹೇಗೆ ಅಂತೀರಾ? ‘ಎದೆಜಿಗಿತ’ವನ್ನೇ ತಡೆಯುವ ಬುದ್ಧಿವಂತ ಬ್ರಾ ಬಂದಿದೆ! ಬಂದಿದ್ದಲ್ಲ, ಆಸ್ಟ್ರೇಲಿಯಾದ ವೂಲ್ಲೊಂಗಾಂಗ್ ವಿವಿಯ ವಿಜ್ಞಾನಿಗಳು ಕಂಡು ಹಿಡಿದದ್ದು. ‘ಸೆನ್ಸರ್’ ಅಳವಡಿಸಲಾದ ವಿಶೇಷ ಬಟ್ಟೆಯಿಂದ ಈ ಕಂಚುಕ ತಯಾರಿಸಲಾಗಿದೆಯಂತೆ. ದೈಹಿಕ ಚಟುವಟಿಕೆಯ ವೇಳೆ ಸ್ತನಗಳ ಚಲನೆಯನ್ನು ಈ ಸೆನ್ಸರ್ ನಿಯಂತ್ರಿಸುತ್ತದೆ ಎಂದು ವಿಜ್ಞಾನಿಗಳು ವಿವರಿಸುತ್ತಾರೆ. ಇಬ್ಬರು ಮಹಿಳೆಯರ ಮೇಲೆ ‘ಬುದ್ಧಿವಂತ’ನ ಪ್ರಯೋಗ ಮಾಡಲಾಗಿದ್ದು ಯಶಸ್ವಿಯಾಗಿದೆ. ಈ ತಂತ್ರಜ್ಞಾನ ಉಪಯೋಗಿಸಿ ಒಳಉಡುಪು ತಯಾರಕ ಕಂಪನಿಗಳು ಆರಾಮದಾಯಕ ಕಂಚುಕ ತಯಾರಿಸಬಹುದು ಎಂದು ವಿಜ್ಞಾನಿಗಳು ಹೇಳುತ್ತಾರೆ.

ಸೆಕ್ಸೀ ಶವಪೆಟ್ಟಿಗೆ!

2007-12-18T12:14:00.000-08:00

ಶೇವಿಂಗ್ ಕ್ರೀಮಿನಿಂದ ಹಿಡಿದು, ಗಂಡಸರು ಮಾತ್ರ ಬಳಸಬಹುದಾದ ಕಾಂಡೋಂವರೆಗೆ ಜಾಹೀರಾತಿಗೆ ತುಂಡುಡುಗೆ ಹುಡುಗಿಯರು ಬೇಕು. ಆದರೆ, ಶವಪೆಟ್ಟಿಗೆ ಮಾರಾಟಕ್ಕೂ ಅವರನ್ನೇ ತೋರಿಸಬೇಕೇ? ಇಟಲಿಯಲ್ಲಿ ಸೆಕ್ಸೀ ಶವಪೆಟ್ಟಿಗೆಗಳ ಮಾರಾಟಗಾರನೊಬ್ಬ ಅದಕ್ಕೆಂದೇ ಡಬ್ಬಲ್ ಸೆಕ್ಸೀ ಕ್ಯಾಲೆಂಡರ್ ಹೊರಬಿಟ್ಟಿದ್ದಾನೆ.

ಇಲ್ಲಿರುವುದು ಅಗ್ದೀ ಡೀಸೆಂಟ್ ಕ್ಯಾಲೆಂಡರ್. ಇದರಪ್ಪನಂಥಾದ್ದು ಬೇರೆ ಇದೆ. ನಿರೀಕ್ಷೆಯಂತೆ ಕ್ಯಾಲೆಂಡರ್ ಹಾಗೂ ಶವಪೆಟ್ಟಿಗೆ ಎರಡೂ ಭರ್ಜರಿ ಫೇಮಸ್ಸಾಗಿವೆ. ಈತ ಮಲ್ಯರ ಅಭಿಮಾನಿಯಿರಬೇಕು. ಮಲ್ಯ ತಮ್ಮ ಏರ್ ಲೈನ್ಸ್ ಜಾಹೀರಾತಿಗೆ ಈಜುಡುಗೆ ಹುಡುಗಿಯರನ್ನು ಬಳಸುತ್ತಾರಲ್ಲ, ವಿಮಾನಕ್ಕೂ ಟೂಪೀಸ್ ಗೂ ಏನ್ರೀ ಸಂಬಂಧ? ಅದೇ ಕಾನ್ಸೆಪ್ಟು ಇಲ್ಲೂ ವರ್ಕೌಟಾಗಿದೆ!